ជីវភាពរបស់ជនរួមជាតិភាគតិច និងសាសនាបានលើកកម្ពស់

ឆ្នាំ ២០២៥ ក្នុងបរិបទប្រមូលផ្តុំអនុវត្តការសម្រួលក្បាលម៉ាស៊ីនប្រព័ន្ធនយោបាយ បង្រួបបង្រួមខេត្ត និងដំណើរការរដ្ឋអំណាចមូលដ្ឋាន ២ ថ្នាក់ ខេត្តកាម៉ាវបានខិតខំ និងសម្រេចបានលទ្ធផលវិជ្ជមានជាច្រើនក្នុងការងារជនជាតិ និងជំនឿ សាសនានៅលើភូមិសាស្រ្ត។

ពីការយកចិត្តទុកដាក់ និងបង្កលក្ខណៈរបស់ថ្នាក់ និងផ្នែកនានា ជនរួមជាតិភាគតិចស្ងប់ចិត្តពលកម្មផលិតកម្ម អភិវឌ្ឍសេដ្ឋកិច្ចគ្រួសារ ជីវភាពកាន់តែមានស្ថេរភាព។

ដំណាក់កាល ២០២១-២០២៥ ខេត្តកាម៉ាវមាន ៥ ឃុំតំបន់ III ដែលមាន ២២ ភូមិ អនុសង្កាត់លំបាកខ្លាំង។ ៣ ឃុំតំបន់ II និង ១២ ឃុំតំបន់ I ព្រមទាំង ៤៣ ភូមិ អនុសង្កាត់លំបាកពិសេសស្ថិតនៅក្រៅឃុំតំបន់ III និង ៦៨ ភូមិ អនុសង្កាត់ស្ថិតក្នុងតំបន់ជនរួមជាតិភាគតិច និងតំបន់ភ្នំ។ ទូទាំងខេត្តមាន ៣២,៤៩៩ គ្រួសារជនរួមជាតិភាគតិច ដោយមានចំនួនប្រជាជន ១៣៨,៩៤៦ នាក់។

ស្តីពីជំនឿសាសនា ទូទាំងខេត្តបច្ចុប្បន្នមាន ៩៧៣ មូលដ្ឋានជំនឿប្រជាប្រិយដែលកំពុងធ្វើសកម្មភាព ក្នុងនោះមាន ៣៨ មូលដ្ឋានបានចាត់ថ្នាក់ជាបេតិកភណ្ឌ (៩ បេតិកភណ្ឌថ្នាក់ជាតិ ២៩ បេតិកភណ្ឌថ្នាក់ខេត្ត)។ នៅលើភូមិសាស្រ្តខេត្តមាន ៧ សាសនាដែលបានទទួលស្គាល់សកម្មភាព រួមមាន៖ ព្រះពុទ្ធសាសនា កាតូលិក គ្រិស្តសាសនា Cao Đài សមាគម Tịnh độ Cư sĩ Việt Nam ព្រះពុទ្ធសាសនា Hoà Hoả និង Phật đường Nam tông Minh Sư đạo ដោយមានសរុប ៣៤០ ទីសក្ការៈបូជា។

ពេលកន្លងហើយ ផ្នែក និងថ្នាក់នានាក្នុងខេត្តតែងយកចិត្តទុកដាក់ផ្សព្វផ្សាយប្រកបដោយប្រសិទ្ធភាពនូវកម្មវិធី និងគម្រោងនានា គោលនយោបាយរបស់បក្ស និងរដ្ឋ រួមចំណែកលើកកម្ពស់ជីវភាពសម្ភារៈ និងស្មារតីជូនជនរួមជាតិភាគតិច។ ដល់ចុងឆ្នាំ ២០២៥ ប្រាក់ចំណូលជាមធ្យមសម្រាប់មនុស្សម្នាក់ក្នុងតំបន់ជនរួមជាតិភាគតិច ប៉ាន់ស្មានសម្រេចជាង ៨០ លានដុង/ម្នាក់/ឆ្នាំ។ អត្រាគ្រួសារក្រថយចុះជាមធ្យមជាង ២% ក្នុងមួយឆ្នាំ។

ហេដ្ឋារចនាសម្ព័ន្ធបន្តបានវិនិយោគព្រមៗគ្នា ១០០% ឃុំមានផ្លូវរថយន្តទៅដល់មជ្ឈមណ្ឌលឃុំបានចាក់កៅស៊ូ ឬចាក់បេតុង; ១០០% សាលារៀន ថ្នាក់រៀន និងតំណាក់សុខាភិបាលបានកសាងរឹងមាំ ជាង ៩៩% គ្រួសារប្រជាជនបានប្រើប្រាស់អគ្គិសនី ប្រហែល ៩០% ជនរួមជាតិភាគតិចបានប្រើប្រាស់ទឹកស្អាតសមស្របអនាម័យ។ ១០០% គ្រួសារប្រជាជនបានទស្សនាទូរទស្សន៍ ស្តាប់វិទ្យុ។ ជាង ៥០% ពលករក្នុងវ័យធ្វើការបានបណ្តុះបណ្តាលវិជ្ជាជីវៈសមស្របនឹងលក្ខណៈ ជាពិសេសតំបន់ជនរួមជាតិភាគតិច។

លោក Huỳnh Công Thiệu ប្រធានការិយាល័យជនជាតិ នៃមន្ទីរជនជាតិ និងសាសនា បានឱ្យដឹងថា៖ “ជនរួមជាតិភាគតិច អង្គការសាសនានានា មូលដ្ឋានជំនឿនៅលើភូមិសាស្រ្តខេត្ត តែងតែអនុវត្តល្អនូវគោលការណ៍ មាគ៌ារបស់បក្ស គោលនយោបាយ ច្បាប់របស់រដ្ឋ និងបទប្បញ្ញត្តិរបស់មូលដ្ឋាន។ សកម្មចូលរួមចលនាប្រឡងប្រណាំងស្នេហាជាតិ។ ស្ថានភាពសេដ្ឋកិច្ច-សង្គម សន្តិសុខសណ្តាប់ធ្នាប់តំបន់ជនរួមជាតិភាគតិច សាសនាមានស្ថិរភាពជាសារវន្ត។ ជាពិសេស គម្រោងនានាស្ថិតក្នុងកម្មវិធីគោលដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច ដំណាក់កាល ២០២១-២០២៥ ត្រូវបានជំរុញលឿនជាវឌ្ឍនភាព មកទល់ពេលនេះបានសម្រេចជាសារវន្តនូវគោលដៅលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមតាមផែនការដែលបានដាក់ចេញ”។

ហេដ្ឋារចនាសម្ព័ន្ធតំបន់ជនរួមជាតិភាគតិច បានវិនិយោគកាន់តែស្អាតបាត។

សកម្មភាពបុណ្យទាន បុណ្យចូលឆ្នាំប្រពៃណីរបស់ជនរួមជាតិភាគតិច តែងតែត្រូវបានគណៈកម្មាធិការបក្ស រដ្ឋអំណាចគ្រប់លំដាប់ថ្នាក់យកចិត្តទុកដាក់ដឹកនាំ បង្កលក្ខណៈចាត់តាំងយ៉ាងមហោឡារិក សប្បាយរីករាយ សុវត្ថិភាព និងសន្សំសំចៃ។ តាមរយៈនោះ រួមចំណែកពង្រឹងប្លុកមហាសាមគ្គីជនជាតិទាំងមូល លើកទឹកចិត្តជនរួមជាតិសកម្មពលកម្មផលិតកម្ម កសាងជីវភាពរស់នៅកាន់តែអភិវឌ្ឍន៍។

នៅឆ្នាំ ២០២៦ ផ្នែកជនជាតិ-សាសនាខេត្តកាម៉ាវបានដាក់ចេញ ១៣ ភារកិច្ចសំខាន់ៗ ក្នុងនោះប្រមូលផ្តុំផ្សព្វផ្សាយកម្មវិធីគោលដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ ដំណាក់កាល II (២០២៦-២០៣០)។ ចាត់តាំងសកម្មភាពវប្បធម៌ កីឡាក្នុងឱកាសបុណ្យទាន បុណ្យចូលឆ្នាំរបស់ជនរួមជាតិ ជនជាតិ សាសនា; ធ្វើសេនាធិការជូនគណៈកម្មាធិការប្រជាជនខេត្ត ដើម្បីរាយការណ៍ជូនក្រុមប្រឹក្សាប្រជាជនខេត្តចេញផ្សាយសេចក្តីសម្រេចចិត្តកំណត់គោលនយោបាយដោយឡែក ឧបត្ថម្ភអ្នកបង្រៀនភាសា និងអក្សរ Khmer - Hoa។ ទន្ទឹមនឹងនោះ បន្តជំរុញខ្លាំងខ្លាការងារកាត់បន្ថយក្រ ផ្សព្វផ្សាយគម្រោងឧបត្ថម្ភមុខរបរសម្រាប់គ្រួសារគោលនយោបាយ គ្រួសារក្រ គ្រួសារជិតក្រ និងគ្រួសារជនរួមជាតិភាគតិចនៅលើភូមិសាខស្រ្តខេត្តដំណាក់កាល ២០២៥-២០២៧។

Quỳnh Anh