Truyền hình
ប៉ុន្មានឆ្នាំកន្លងមកនេះ ការប្រែប្រួលអាកាសធាតុកាន់តែមានភាពស្មុគស្មាញពីមួយថ្ងៃទៅមួយថ្ងៃ បណ្តោយឱ្យមានគ្រោះរាំងស្ងួត និងការជ្រាបព្រៃជាញឹកញាប់ ធ្វើឱ្យប៉ះពាល់យ៉ាងធ្ងន់ធ្ងរដល់ផលិតកម្ម និងកសិកម្ម ព្រមទាំងជីវភាពរស់នៅរបស់បងប្អូនប្រជាជនទៀតផង។ នៅ Cà Mau តំបន់ជាច្រើនដែលរងផលប៉ះពាល់យ៉ាងខ្លាំងដោយសារកង្វះទឹកសាប ជាពិសេសក្នុងរដូវប្រាំង។ ដើម្បីឆ្លើយតបទៅនឹងស្ថានភាពនេះ គម្រោង "ទឹកគឺជាដង្ហើមនៃជីវិត - ដោះស្រាយការលំបាករបស់ស្ត្រីដែលរងផលប៉ះពាល់ដោយគ្រោះរាំងស្ងួត និងការជ្រាបប្រៃ" បានបង្ហាញឱ្យឃើញពីប្រសិទ្ធភាពយ៉ាងជាក់ច្បាស់ រួមចំណែកជួយសហគមន៍ជនជាតិភាគតិចឱ្យមានស្ថិរភាពខាងការផលិតជាសន្សឹមៗ និងលើកកម្ពស់ជីវភាពរស់នៅរបស់ពួកគេផងដែរ។
ចម្ការបន្លែរបស់បងប្អូនប្រជាជននៅឃុំ Đá Bạc ត្រូវបានប្រើប្រព័ន្ធស្រោចស្រពដំណក់ទឹកប្រឹតសំចៃដោយគម្រោង “ទឹកគឺជាដង្ហើមនៃជីវិត” ជាអ្នកឧបត្ថម្ភ។
គ្រួសារលោក Lê Minh Phol នៅភូមិ Cơi ៦A ឃុំ Đá Bạc បាជាអ្នកផ្សារភ្ជាប់ជាមួយរបរដាំចម្ការបន្លែអស់រយៈពេលជាច្រើនឆ្នាំមកហើយ។ ថ្វីត្បិតតែមានវ័យចំណាស់ និងសុខភាពមានកម្រិតយ៉ាងណាក៏ដោយ ហើយគ្រួសារបានដាំដុះតែលើផ្ទៃដីតូចមួយប៉ុណ្ណោះ តែប្រព័ន្ធធារាសាស្រ្តភាគច្រើនត្រូវបានធ្វើឡើងដោយដៃមានការចំណាយពេលវេលាច្រើន។
ចុងឆ្នាំ ២០២៤ គ្រួសារលោក ផុល ទទួលបានការឧបត្ថម្ភពីគម្រោងនេះ ដើម្បីដំឡើងប្រព័ន្ធធារាសាស្រ្តប្រឹតសំចៃទឹកដោយស្វ័យប្រវត្តិ និងកាត់បន្ថយថ្លៃពលកម្មបានយ៉ាងច្រើន ពោលគឺមិនបណ្តោយឱ្យមានការខូចខាតដល់បន្លែនោះទេ រួមចំណែកដល់ការបង្កើនផលិតភាព និងគុណភាពរបស់ផលិតផលទៀតផង។
លោក Phol បានចែករំលែកថា៖ “អាស្រ័យមានប្រព័ន្ធស្រោចស្រពដំណក់ទឹកដោយស្វ័យប្រវត្តិ ខ្ញុំលែងត្រូវស្រោចទឹកដោយដៃដូចមុនទៀតហើយ ដូច្នេះខ្ញុំអាចដាំបន្លែបានពេញមួយឆ្នាំ ក្នុងបរិមាណច្រើន ជួយបង្កើនប្រភពប្រាក់ចំណូលរបស់ខ្ញុំដើម្បីទូទាត់ការចំណាយលើការរស់នៅទៀតផង”។
មិនត្រឹមតែគ្រួសារលោក Phol ប៉ុណ្ណោះទេ នៅឃុំដាបាកមានចំនួន ១០០ គ្រួសារសមាជិកនារីក្រីក្រ ដែលភាគច្រើនជាជនជាតិភាគតិច ទទួលបានការឧបត្ថម្ភពីគម្រោងដំឡើងប្រព័ន្ធស្រោចស្រពដំណក់ទឹកប្រឹតសំចៃទឹក។
បងស្រី Danh Tiền នៅភូមិ Cơi ៥A ក្នុងចំណោមគ្រួសារមួយដែលទទួលបានការឧបតក្ថម្ភ ប្រព័ន្ធស្រោចស្រពដំណក់ទឹក បានឱ្យដឹង៖ “ចាប់តាំងពីមានប្រព័ន្ធស្រោចស្រពដំណក់ទឹកដោយស្វ័យប្រវត្តិមក បន្លែត្រូវបានស្រោចទឹកស្មើៗគ្នា និងមានការលូតលាស់ល្អទៀតផង។ ផ្ត់មពីនោះ ឆ្លៀតពេលវេលាខណៈដែលប្រព័ន្ធស្រោចស្រពដំណក់ទឹកកំពុងស្រោចបន្លែយើងអាចធ្វើស្មៅ ដែលមិនសូវមានការនឿយហត់ តែផ្តល់ប្រាក់ចំណូលបន្ថែម ដូច្នេះទើបបងប្អូននារីគ្រប់គ្នាមានចិត្តសប្បាយរីករាយ”។
យោងតាមលោកស្រី Thái Kim Ngói អនុប្រធានសមាគមសហព័ន្ធនារីឃុំ Đá Bạc៖ ភូមិភាគ នេះតែងជួបប្រទះនឹងការខ្វះប្រភពទឹកសាបក្នុងរដូវប្រាំង ដែលភាគច្រើនបងប្អូនប្រជាជានសុទ្ធសឹងជាអ្នកដាំបន្លែដោយទ្រង់ទ្រាយតូច។ ពីមុន ប្រព័ន្ធធារាសាស្រ្តដោយដៃត្រូវការចំណាយកម្លាំងពលកម្មច្រើន ខ្ជះខ្ជាយទឹក និងគ្មានប្រសិទ្ធភាព ជាពិសេសសម្រាប់គ្រួសារជនជាតិភាគតិចដែលប្រឈមនឹងការលំបាកក្នុងការផលិត។
បងស្រី Thái Kim Ngói អនុប្រធានសមាគមសហព័ន្ធនារីឃុំ Đá Bạc (កណ្តាល) ពិនិត្យស្ថានភាពនៃការប្រើប្រាស់ប្រព័ន្ធស្រោចស្រពដំណក់
លោកស្រី Ngói មានប្រសាសន៍ថា៖ គ្រួសារដែលទទួលបានការឧបត្ថម្ភសម្រាប់ប្រព័ន្ធធារាសាស្រ្តសប្រឹតសំចៃទឹក មានការសប្បាយរីករាយយ៉ាងខ្លាំង ព្រោះវាបាននាំមកនូវអត្ថប្រយោជន៍យ៉ាងច្បាស់លាស់។ ជាពិសេសសម្រាប់គ្រួសារជនជាតិភាគតិច ប្រព័ន្ធនេះមិនត្រឹមតែជួយកាត់បន្ថយការចំណាយ និងប្រឹតសំចៃទឹកប៉ុណ្ណោះទេ ថែមទាំងផ្លាស់ប្តូរការអនុវត្តវិស័យកសិកម្មបន្តិចម្តងៗ និងបង្កើនប្រភពប្រាក់ចំណូលទៀតផង។ អាស្រ័យហេតុនេះហើយ មានគ្រួសារអ្នកដាំបន្លែជាច្រើនអាចដាំបានពេញមួយឆ្នាំ ព្រមទាំងពង្រីកផ្ទៃដីផលិតរបស់ខ្លួនដើម្បីលំនឹងជីវភាពភាពរស់នៅ។
គម្រោង "ទឹកគឺជាដង្ហើមនៃជីវិត" បានរួមចំណែកយ៉ាងសំខាន់ក្នុងការជួយសហគមន៍ជនជាតិភាគតិច និងស្ត្រីជនបទនៅ Cà Mau ទទួលបានបច្ចេកវិទ្យាធារាសាស្រ្តទំនើប និងប្រើប្រាស់ប្រភពធនធានទឹកសាបដ៏កម្រប្រកបដោយប្រសិទ្ធភាព។ ក្រៅពីការផ្តល់អត្ថប្រយោជន៍សេដ្ឋកិច្ចភ្លាមៗ គម្រោងនេះក៏រួមចំណែកដល់ការបង្កើនចំណេះដឹងរបស់សហគមន៍ស្តីពីការសម្របខ្លួនទៅនឹងការប្រែប្រួលអាកាសធាតុ ព្រមទាំងឆ្ពោះទៅរកផលិតកម្មកសិកម្មប្រកបដោយចីរភាពផងដែរ៕
Cẩm Nhi
Xem thêm bình luận