ជីវភាពជនរួមជាតិ Khmer នៅ Vĩnh Hậu មួយថ្ងៃកាន់តែមានភាពរីកចម្រើន

ឃុំ Vĩnh Hậu បច្ចុប្បន្នមាន ១.៧៧៧ គ្រួសារជនរួមជាតិភាគតិច ដោយមានចំនួនប្រជាជន ៧.៦៦៩ នាក់។ ក្នុងនោះមាន ៣៥ គ្រួសារក្រីក្រ ដោយមានចំនួនប្រជាជន ១៧២ នាក់ និងមាន ២៤ គ្រួសារប្រកៀកបន្ទាត់ក្រ ដោយមានចំនួនប្រជាជន ១០០ នាក់។ បងប្អូនជនរួមជាតិភាគតិចទូទាំងឃុំ ភាគច្រើនជាកសិករ ចិញ្ចឹមជលផល ធ្វើស្រែអំបិល និងលក់ដូរកំប៊ិចកំប៉ុក។ ប៉ុន្មានឆ្នាំកន្លងមកនេះ បណ្តាគម្រោងការ គោលនយោបាយ កម្មវិធីគោលដៅជាតិសម្រាប់អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិចក៏សន្សឹមៗមានការជំរុញយ៉ាងខ្លាំងខ្លាសម្រាប់ខាងជីវភាពរស់នៅរបស់បងប្អូននៅទីនេះ។

មូលដ្ឋានហេដ្ឋារចនាសម្ព័ន្ធគមនាគមន៍ជនបទក៏ត្រូវបានវិនិយោគកសាង ជំនួយបងប្អូនធ្វើដំណើរទៅមក និងអភិវឌ្ឍន៍ផលិតប្រកបដោយភាពងាយស្រួល។

យោងតាមសេចក្តីសម្រេចចិត្តលេខ ៨៦១ របស់នាយករដ្ឋមន្ត្រីនៃរដ្ឋភិបាល ឃុំ Vĩnh Hậu មានទាំងអស់ ១៣ ភូមិ (ដែលស្ថិតលើការគ្រប់គ្រងរបស់ឃុំ Vĩnh Hậu និងឃុំ Vĩnh Thịnhចាស់) ស្ថិតក្នុងតំបន់ជនជាតិភាគតិច និងតំបន់ភ្នំដំណាក់កាល ២០២១-២០២៥ ព្រមទាំងបានអាស្រ័យផលគ្រប់បណ្តាគោលនយោបាយដែលស្ថិតក្នុងកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច ដំណាកកាល ២០២១-២០៣០ (ដំណាក់កាលទី១ ឆ្នាំ ២០២១-២០២៥)។

លោក Trần Hoàng Khải ប្រធានគណៈកម្មាធិការប្រជាជនឃុំ Vĩnh Hậu  បានឱ្យដឹង៖ “ការវិនិយោគសម្រាប់អភិវឌ្ឍន៍ចីរភាពខាងវិស័យសេដ្ឋកិច្ច-សង្គមផ្សារភ្ជាប់ជាមួយការការពាប្រទេស និងធានាសន្តិសុខ សណ្តាប់ធ្នាប់ ព្រមទាំងរាលបណ្តាកម្មវិធី គម្រោងការដែលអាទិភាព មានដូចជា៖ គម្រោងការឧបត្ថម្ភផ្ទះស្នាក់នៅ ដោះស្រាយការងារធ្វើ ទឹកស្អាតសម្រាប់ប្រើប្រាស់ ផ្លាស់ប្តូរការងារធ្វើ បុលទុនសម្រាប់អភិវឌ្ឍន៍សេដ្ឋកិច្ច ព្រមទាំងកម្មវិធីកសាងជនបទថ្មី កម្មវិធីកាត់បន្ថយក្រចីរភាព នងបណ្តាកម្មវិធីគោលដៅជាតិសម្រាប់អភិវឌ្ឍន៍ស្តីពីសុខាភិបាល អប់រំ វប្បធម៌...ក៏បានផ្តើមកនូវប្រសិទ្ធភាព រួមចំណែកធ្វើឱ្យផ្លាស់ប្តូរជីវភាពរស់នៅ សម្ភារៈ និងស្មារតីរបស់បងប្អូនជនរួមជាតិភាគតិចទាំងឡាយលើភូមិសាស្ត្រឃុំផងដែរ”។

លំនៅឋានសមរម្យ បងស្រី Thạch Thị Sưol ក៏បានផ្តើមបើកហាងលក់ដូរកំប៊ិចកំបុកនៅផ្ទះរបស់ខ្លួនដើម្បីរកប្រភពប្រាក់ចំណូលបន្ថែម ផ្តើមពីនោះ ជីវភាពគ្រួសារក៏បានលំនឹងល្អផងដែរ។

ជាពិសេស ដែលផ្តើមពីការអនុវត្តកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច ឃុំ Vĩnh Hậuទទួលមុខងារខាងផ្សព្វផ្សាយនិងអនុវត្តរាល់បណ្តាខ្លឹមសាររបស់គម្រោងការទី១ “ដោះស្រាយករណីខ្វះដីធារសម្រាប់សង់ផ្ទះ និងលំនៅឋាន ដីផលិត ទឹកស្អាតប្រើប្រាស់” ដោយសរុបប្រភពទុនដែលត្រូវបានធ្វើការចែកចាយមានជិត ១៥ ពាន់លានដុង។ ឆ្លងតាមនោះ ក៏មាន ២១១ គ្រួសារដែលទទួលបានការឧបត្ថម្ភសង់ផ្ទះស្នាក់នៅ និង ៣៩២ គ្រួសារបានជំនួយឧបត្ថម្ភផ្លាស់ប្តូរមុខរបរការងារធ្វើ ១១៥ គ្រួសារបានឧបត្ថម្ភប្រភពទឹកស្អាតសម្រាប់ប្រើប្រាស់រាយប៉ាយ។​ ក្រៅពីនោះ ក្នុងរយៈពេល ២ ឆ្នាំ (២០២៣-២០២៤ ) ឃុំ Vĩnh Hậu  ថែមទាំងបានបើកវគ្គបណ្តុះបណ្តាលវិជ្ជាជីវៈខាងចិញ្ចឹមចសត្វ និងបង្ការជំងឺបសុសត្វសម្រាប់ពកករជនបទដែលស្ថិតក្នុងកម្មវិធីទៀតផង។

លោក Trần Hoàng Khải បានឱ្យដឹងបន្ថែមទៀតថា៖ “រួមជាមួយធនាគារជាតិដែលបានជំនួយឧបត្ថម្ភក្នុងការអនុវត្តកម្មវិធី ឃុំថែមទាំងសកម្មក្នុងការប្រមូលផ្តុំរាល់បណ្តាប្រភពធនធានសង្គម និងកម្លាំងផ្ទៃក្នុងសម្រាប់គិតគូរដល់ជីវភាពរបស់នៅជូនបងប្អូនប្រជាជន។ ជាពិសេស តែងសកម្មក្នុងការដោះស្រាយការងារធ្វើ ឧទ្ទេសនាមការងារធ្វើនៅនឹងកន្លែងសម្រាប់ពលករជនបទ និងពលករជាជនជាតិភាគតិច។ អាស្រ័យហេតុនេះហើយ ទើបជីវភាពបងប្អូនប្រជាជនទូទាំងឃុំនិយាយរួម បងប្អូនជនរួមជាតិផាគតិចនិយាយដោយឡែក មួយថ្ងៃកាន់តែបានលើកកម្ពស់”។

ដើម្បីស្វែងយល់ និងក្តាប់បានលម្អិតពីគោលបំណងក្នុងការរស់នៅរបស់បងប្អូនជនជាតិភាគតិចនៅភូមិភាគ កម្មាភិបាលឃុំ Vĩnh Hậu ក៏បានចុះទៅផ្ទាល់តាមបណ្តាគ្រួសារដើម្បីមានវិធានការជំនួយឧបត្ថម្ភទាន់ពេល និងត្រឹមត្រូវតាមមុខសញ្ញានីមួយៗ។

បងស្រី Thạch Thị Sươl នៅភូមិ Vĩnh Mẫu រីករាយ ឱ្យដឹង៖ “ក្នុងរយៈពេលប៉ុន្មានឆ្នាំកន្លងមកនេះ ជីវភាពរស់នៅរបស់បងប្អូនជនជាតិភាគតិចយើងខ្ញុំ ត្រូវបានគ្រប់បណ្តាគណៈផ្នែកយកចិត្តទុកដាក់យ៉ាងពិសេស អាស្រ័យហេតុនេះហើយ ទើបគ្រួសារខ្ញុំត្រូវបានរដ្ឋជំនួយឧបត្ថម្ភទឹកប្រាក់ ៦០ លានដុងសម្រាប់សង់ផ្ទះថ្មី ព្រមទាំងជូនស៊ីទែនទឹកសម្រាប់ផ្ទុកទឹកប្រើប្រាស់។​ក្រៅពីនោះ ខ្ញុំថែមទាំងត្រូវបបានបង្កើតលក្ខណៈ ឱ្យបុលទុនសម្រាប់ប្រកបមុខរបរលក់ដូរកំប៊ិចកំប៉ុកនៅផ្ទះទៀតផង។ ខ្ញុំពិតជាអរគុណរដ្ឋអំណាចភូមិភាគខ្លាំងណាស់ដែលបានជំនួយឧបត្ថម្ភគ្រួសារខ្ញុំមានជីវភាពនឹងនរដូចសព្វថ្ងៃនេះ”។

ក្នុងពេលអនាគត ឃុំ Vĩnh Hậu នឹងបន្តអនុវត្តយ៉ាងព្រមគ្នា និងមានប្រសិទ្ធភាពចំពោះកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។  ប្រមូលផ្តុំការត្រួតពិនិត្យ និងរៀបចំផែនការ ដើម្បីសម្រេចគ្រប់ជ្រុងជ្រោយរាល់បណ្តាបទដ្ឋានទាំងឡាយ និងភារកិច្ចដែលបានដាក់ចេញ ព្រមទាំងពង្រឹង និងលើកកម្ពស់បណ្តាខ្លឹមសារផ្សេងៗទាំងឡាយ។ ផ្តើមពីនោះ ប្រើប្រាស់ប្រភពធនធានឱ្យមានមានប្រសិទ្ធភាព ដើម្បីវិនិយោគលើផ្នែកសំខាន់ៗ ដោយមានគោលបំណងបង្កើនថែមទៀតខាងជីវិតរស់នៅរបស់បងប្អូនជនរួមជាតិ ភាគតិចឱ្យកាន់តែល្អប្រសើរឡើង៕

Tuyết Mỉnh