វិធីសាស្ត្រដើម្បីរួចចាកក្រព្រមគ្នា

ប៉ុន្មានឆ្នាំកន្លង ឃុំ Khánh Bình Tây ស្រុក Trần Văn Thời បានផ្សព្វផ្សាយយ៉ាងច្រើនដំណោះស្រាយព្រមគ្នាទាំងស្រុង ជួយបណ្តាគ្រួសារគ្រួសារក្រីក្រដែលជាជនជាតិភាគតិចមានលក្ខណៈឈានឡើងរួចចាកក្រចីរភាព។

អ្នកមីង Lê Thị Cẩm Thuỳ អនុប្រធានគណៈកម្មាធិការប្រជាជនឃុំ ឱ្យដឹង៖ រយៈពេលកន្លង ដើម្បីជំនួយឧបត្ថម្ភបងប្អូនជនរួមជាតិភាគតិចមានលក្ខណៈ​ឈានឡើងរួចចាកក្រ គណៈកម្មាធិការគ្រប់លំដាប់ថ្នាក់ និងរដ្ឋអំណាចភូមិភាគឃុំបានធ្វើការផ្សព្វផ្សាយ អនុវត្តយ៉ាងមានប្រសិទ្ធភាពរាល់គ្រប់ដំណោះស្រាយ ដូចជាការឧបត្ថម្ភគ្រួសារក្រ ប្រកៀកបន្ទាត់ក្រឱ្យមានលក្ខណៈបានបុលទុនអាទិភាពដើម្បីអភិវឌ្ឍន៍ផលិតជួញដូរ ព្រមទាំងអនុវត្តគោលនយោបាយនៃការបណ្តុះបណ្តាមុខរបរវិជ្ជាជីវៈ ជំរុញខ្លាំងខ្លាសកម្មភាពបញ្ជូនពលករឱ្យទៅធ្វើការបរទេស ជំនួយឧបត្ថម្ភផ្ទះស្នាក់នៅ ថែទាំងសុខភាព... ទន្ទឹមនិងនោះ បង្កើនការផ្សព្វផ្សាយ ដើម្បីលើកកម្ពស់ស្មារតីខិតខំព្យាយាមឈានឡើងដោយខ្លួនឯង មិនទន្ទឹងរង់ចាំការឧបត្ថម្ភរបស់បក្សនិងរដ្ឋទៀតនោះទេ។

ផ្ទះរបស់បងស្រី Vũ Thị Thảo ក៏ទទួលបានការឧបត្ថម្ភសាងសង់យ៉ាងល្អត្រឹមត្រូវផងដែរ។

សកម្មភាពនៃការផ្សព្វផ្សាយក៏ត្រូវបានចាត់តាំងដោយយោងតាមទម្រង់ជាច្រើនបែប ដូចជាចុះផ្សាយសារព័ត៌មាននិងអត្ថបទតាមវិទ្យុផ្សាយសម្លេងរបស់ឃុំ និងឃោសនស័ព្ទចល័តតាមគ្រប់បណ្តាភូមិ។ សហការយ៉ាងតឹងរឹងជាមួយរណសិរ្សមាតុភូមិ និងបណ្តាអង្គការចាត់តាំងនយោងបាយ-សង្គមសាគមនាគមរួមបញ្ចូលនៅគ្រប់ពិធីប្រជុំសាខាបក្ស និងកិច្ចប្រជុំផ្សេងៗជាដើម។ យោងតាមនោះក៏បានរួមចំណែកក្នុងការលើកកម្ពស់ការយល់ដឹងជូនកម្មាភិបាល សមាជិក​សម្ព័ន្ធយុវជន និងប្រជាជនអំពីអត្ថន័យក៏សារៈសំខាន់ខាងការងារកាត់បន្ថយក្រ ក៏ដូចជាជួយបងប្អូនប្រជាជនក្តាប់បានច្បាស់ថែមទៀតនូវរាល់គោលនយោបាយអាទិភាពរបស់បក្សនិងរដ្ឋស្តីពីការកាត់បន្ថយក្រ។

ផ្តើមពីប្រភពទុននៃកម្មវិធីគោលដៅជាតិអភិវឌ្ឍន័សេដ្ឋកិច្ច-សង្គមតំបន់ជនរួមជាតិភាគតិចឆ្នាំ២០២៤ គម្រោងចិញ្ចឹមជ្រូកលក់សាច់ជូន២៤គ្រួសារក្រីក្រ និងប្រកៀកបន្ទាត់ក្រ មានលក្ខណៈអភិវឌ្ឍន៍ទម្រង់ចិញ្ចឹម ដោយទឹកប្រាក់ចំនួន១ពាន់លាន៤៧០លានដុង។ សព្វថ្ងៃ ហ្វូងជ្រូកមេជាច្រើនក្បាលបានកើតកូន សរុបទាំងអស់រាប់រយកូនផងដែរ។ គម្រោងដែលត្រូវបានអនុវត្តជោគជ័យក៏បានជួយគ្រួសារជាច្រើនមានលក្ខណៈឈានឡើងរួចចាកក្រ។

បងស្រី Vũ Thị Thảo ថែទាំហ្វូងជ្រូកដែលទទួួលបានការឧបត្ថម្ភផ្តើមពីគម្រោងការ។

តួយ៉ាងដូចគ្រួសារបងស្រី Vũ Thị Thảo នៅភូមិ Cơi 5B ទត្រូវបានរដ្ឋអំណាចភូមិភាគយកចិត្តទុកដាក់ជំនួយឧបត្ថម្ភជ្រូកកូនមួយគូសម្រាប់ចិញ្ចឹម។ បងស្រី Thảo ចែករំលែក៖ “អាស្រ័យការចិញ្ចឹមរបស់គ្រួសារខ្ញុំបានអនុវត្តត្រឹមត្រូវតាមការណែនាំនិងបច្ចេកទេសក្នុងការចិញ្ចឹមដែលខ្លួនបានហ្វឹកហ្វឺនទើបជ្រូកមួយ​គូររបស់ខ្ញុំមានការធំធាត់ល្អ ហើយក៏បង្កើតកូនជាលើកដំបូងពានជាង១០ក្បាលទៀតផង ដូច្នេះហើយក៏ផ្តល់មកនូវប្រភពចំណូលអំពីការលក់ជ្រូកនេះផង​ដែរ។ គ្រួសារខ្ញុំនឹងបន្តចិញ្ចឹមបន្ថែមទៀតដើម្បីបង្កើនហ្វូងជ្រូកឱ្យកាន់តែច្រើនឡើង”។ បន្ទាប់ពីទទួលបានការឧបត្ថម្ភជ្រូកពូជ គ្រួសារបងស្រី​ Thảo ថែមទាំងទទួលបានការឧបត្ថម្ភទឹកប្រាក់ចំនួន៤៤លានដុងសម្រាប់សង់ផ្ទះស្នាក់នៅដែលផ្តើមពីកម្មវិធី។ មានលំនៅឋានសមរម្យ គ្រួសារក៏សុខសាន្តចិត្តក្នុងការប្រកបរបររកស៊ី អភិវឌ្ឍន៍សេដ្ឋកិច្ច និងរួចចាកក្រ លំនឹងជីវភាពទៀតផង។

ទន្ទឹមជាមួយនោះ ប្រភពទុនអាទិភាពដែលផ្តើមពីធនាគារគោលនយោបាយសង្គមបានជួយយ៉ាងច្រើនគ្រួសារក្រីក្រ និងប្រកៀកបន្ទាត់ក្រនៅឃុំ Khánh Bình Tây ក្លាហានវិនិយោគពង្រីកការផលិត អភិវឌ្ឍ៍មានប្រសិទ្ធភាពប្រភពបុលទុន ឈានឡើងរួចចាកក្រចីរភាព។

កាលពីមុន គ្រួសារបងLý Văn Chung នៅភូមិ Cơi 5B ជាគ្រួសារមួយក្នុងចំណោមគ្រួសារក្រីក្រជាជនជាតិភាគតិច។ ក្រួសារគ្មានដីផលិត ប្តីប្រពន្ធបងក៏គ្មានមុខរបរការងារធ្វនឹងនរ ឱ្យតែមានគេជួលធ្វើអីក៏ធ្វើនោះ ខណៈពេលដែលកូនទាំងពីរបានចាប់កំណើត ជីវភាពគ្រួសារក៏កាន់តែជួបលំបាកខ្លាំងទៀត ពីព្រោះត្រូវការចំណាយច្រើនសម្រាប់ការរស់នៅ។ ដោយយល់ឃើញអំពីជីវភាពដ៏លំបាករបស់គ្រួសារបងជុង សមាគមកសិករឃុំក៏បានបង្កលក្ខណៈដើម្បីគ្រួសារ​បងបានបុលប្រាក់អំពីធនាគារគោលនយោបាយសង្គម ដោយទឹកប្រាក់ចំនួន២០លានដុង។ មានដើមុនក្នុងដៃ បងជុងក៏បានវិនិយោគមូលដ្ឋានផលិត​ងៀតត្រីកន្ធ រាល់ខែមូលដ្ឋានរបស់បងបានលក់ចេញទីផ្សារមធ្យមចាប់ពី២០០-៣០០គីឡូក្រាម។

ងៀតត្រីបកន្ធដែលធ្វើដោយគ្រួសារបង Chung ពិតជាលក់បានខ្លាំងណាស់។

បង Chung ឱ្យដឹង៖ ចំពោះគ្រួសារក្រីក្រ ប្រភពទុនអាទិភាពគឺជាពោងសម្រាប់ជំនួយការរស់នៅដើម្បីបង្កើតទិសដៅសម្រាប់ការអភិវឌ្ឍខាងវិស័យសេដ្ឋកិច្ច។ ពេលនេះខ្ញុំក៏សងអស់បំណុល សេដ្ឋកិច្ចគ្រួសារក៏បានលំនឹង កូនៗបានសិក្សារៀនសូត្រយ៉ាងល្អត្រឹមត្រូវ ។ គ្រួសារបងក៏បានរួចចាកក្រក្នុងឆ្នាំ២០២២ សព្វថ្ងៃឈានឡើងជីវភាពធូរធាទៀតផង។

ឃុំ Khánh Bình Tây សព្វថ្ងៃនូវត្រឹម១៦គ្រួសារក្រប៉ុណ្ណោះ ស្រូបអត្រា០,៤១% (ក្នុងនោះមាន១០គ្រួសារជាជនជាតិភាគតិច) បន្ថយចុះបាន៥២គ្រួសារប្រៀបជាមួយឆ្នាំ២០២៣។ គ្រួសារប្រកៀកបន្តាត់ក្រនូវមាន៧២គ្រួសារ ស្រូបអត្រា១,៨៣% (ក្នុងនោះមាន២៧គ្រួសារជនជាតិភាគតិច) បន្ថយចុះ៤៥គ្រួសារប្រៀបជា​មួយឆ្នាំ២០២៣៕

Tiểu Ái